Dëshmitari: S’ka pasë koordinimin mes BIA-s dhe Brigadës 153, kur sulmonin serbët jemi gjind qysh kemi mujt

Në Dhomat e Specializuara të Kosovës në Hagë, po vazhdon seanca ndaj të akuzuarit Salih Mustafa, ku në këto momente po e vazhdon intervistën dëshmitari i dytë.

I pyetur nga trupi gjykues se a ka pasë komandë qendrore apo koordinim për të bashkërenduar dy njësitë në Zllash, dëshmitari u përgjigj se “kur na sulmonin serbët jemi gjind qysh kemi mujt”, njofton Klankosova.tv.

“Nuk ka pasë koordinim. Nuk besoj që ka pasë për arsye se kur kanë sulmuar forcat serbe jemi gjind secili qysh kemi mujt për mu mbrojt. Komandë të veçantë s’ka pasë – as nga BIA as nga zona operative në Zllashë që ka vepruar, por kur kanë sulmuar ne jemi kon të gatshëm me dal përballë qysh kemi mujt”.

Ai gjithashtu ka thënë se komandant “Cali” e kishte zëvendësin i cili sipas tij, ishte i njohur me pseudonimin “Dardani”.

“Mustafa që njihej me pseudonimin komandant “Cali” ka pasë një zëvendës që njihej me nofkën “Dardani”. Ata zakonisht kanë pasë pseudonime. Një pjesë të tyre ndoshta i kam harru. Jo vetëm ata por shumica e ushtarëve kanë qenë me pseudonime”, u shpreh tutje ai.

Shpërndaje lajmin në:

Share on facebook
Facebook
Share on twitter
Twitter
Share on linkedin
LinkedIn
Close Menu